Binorie, O an Binorie- Murison, 1876 Child M
[From Murison Manuscript, p. 79, 1876. Child M is an early collection of the standard Scottish versions collected by Grieg and later Carpenter. They do not have the "resuscitation" ending. The second chorus is varied.
R. Matteson 2014, 2018]
M. 'Binorie, O an Binorie,' from Murison Manuscript, p. 79. Taken down from recitation at Old Deir (Old Deer), 1876, by Mrs. A. F. Murison. Manuscript, p. 79.
1 There lived twa sisters in yonder ha,
Bin'orie O an Bin'orie
They hadna but ae lad atween them twa,
He's the bonnie miller lad o Bin'orie.
2 It fell oot upon a day,
Bin'orie O an Bin'orie
The auldest ane to the youngest did say,
At the bonnie mill-dams o Bin'orie.
3 'O sister, O sister, will ye go to the dams,
Bin'orie O an Bin'orie
To hear the blackbird thrashin oer his songs?
At the bonnie mill-dams o Bin'orie.
4 'O sister, O sister, will ye go to the dams,
Bin'orie O an Bin'orie
To see oor father's fish-boats come safe to dry lan?
An the bonnie miller lad o Binorie.'
5 They hadna been an oor at the dams,
Bin'orie O an Bin'orie
Till they heard the blackbird thrashin oer his tune,
At the bonnie mill-dams o Bin'orie.
6 They hadna been an oor at the dams
Bin'orie O an Bin'orie
Till they saw their father's fish-boats come safe to dry lan,
Bat they sawna the bonnie miller laddie.
7 They stood baith up upon a stane,
Bin'orie O an Bin'orie
An the eldest ane dang the youngest in,
I the bonnie mill-dams o Bin'orie.
8 She swam up, an she swam doon,
Bin'orie O an Bin'orie
An she swam back to her sister again,
I the bonnie mill-dams o Bin'orie.
9 'O sister, O sister, len me your han,
Bin'orie O an Bin'orie
An yes be heir to my true love,
He's the bonnie miller lad o Binorie.'
10 'It was not for that love at I dang you in,
Bin'orie O an Bin'orie
But ye was fair and I was din,
And yes droon i the dams o Binorie.'
11 The miller's daughter she cam oot,
Bin'orie O an Bin'orie
For water to wash her father's hans,
Frae the bonnie mill-dams o Bin'orie,
12 'O father, O father, ye will fish your dams,
Bin'orie O an Bin'orie
An ye'll get a white fish or a swan,
I the bonnie mill-dams o Bin'orie,
13 They fished up and they fished doon,
Bin'orie O an Bin'orie
But they got nothing but a droonet woman,
I the bonnie mill-dams o Bin'orie,
14 Some o them kent by her skin sae fair,
Bin'orie O an Bin'orie
But weel kent he by her bonnie yallow hair
She's the bonnie miller's lass o Binorie.
15 Some o them kent by her goons o silk,
Bin'orie O an Bin'orie
But weel kent he by her middle sae jimp,
She's the bonnie miller's lass o Binorie.
16 Mony ane was at her oot-takin,
Bin'orie O an Bin'orie
But mony ane mair at her green grave makin,
At the bonny mill-dams o Binorie.