Waukrife Mammy- (Falkirk) c.1830 Chapbook
[From a Falkirk chapbook: "Two Old Songs- The Perjured Maid, The Waukrife Mammy" dated about 1830. It may be viewed online here: http://digital.tcl.sc.edu/cdm/compoundobject/collection/rbc/id/2273/rec/2
This is presumably a reproduction from Lyle's 1827 version. It's nearly identical.
R. Matteson 2018]
The Waukrife Mammy
1. As I gaed o'er the Highland hills,
I met a bonnie lassie;
Wha' look'd at me, and I at her,
And O but she was saucy.
2. Whare are ye gaun, my bonnie lass,
Whare are ye gaun, my lammy;
Right saucily she answer'd me,
An errand to my mammy.
3. An' whare live ye, my bonny lass,
Whare do ye won, my lammy;
Right modestly she answer'd me,
In a wee cot wi' my mammy.
4. Will ye tak' me to your wee house,
I'm far frae hame, my lammy;
Wi' a leer o' her eye, she answer'd me,
I darena for my mammy.
5. But I fore up the glen at e'en,
To see this bonny lassie;
And lang before the gray morn cam',
She wasna half sae saucie.
6. O weary fa' the waukrife cock,
An' the fumart lay his crawing;
He wauken'd the auld wife frae her nest[1],
A wee blink or the dawing.
7. Wha straught began to blaw the coal,
To see gif she could ken me;
But I crap out from whare I lay,
And took the fields to skreen me.
8. She took her by the hair o' the head,
As frae the spence she brought her,
An' wi' a gude green hazel wand,
She's made her a weel paid dochter.
9. Now fare-thee-weel, my bonnie lass,
An' fare-thee weel my lammy,
Tho' thou has a gay, an' a weel-far't face,
Yet thou has a waukrife mammy.
_____
1. Lyle has "rest"